"Na ji tausayin wahalolin lafiyar da kake fuskanta, Ina fatan ka samu sauki da waraka - Gadaka zuwa ga Nata'ala

"

Sakataren Yada Labarai ga Shugaban Jam’iyyar APC ta Jihar Yobe,Sa’adatu Maina, ta lura da wani rubutu da Mallam Nata’ala dan wasan kwaikwayo a cikin shirin Dadinkowa kuma mamba na APC a jihar ya yi a shafinsa na Facebook.A cikin rubutunsa, Mallam Nata’ala ya yi iƙirarin cewa yana fafutukar rashin lafiya a Asibitin Koyarwa na Jami’ar Maiduguri, kuma ya zargi cewa gwamnatin jihar Yobe ta shirya biyan kuɗin jinyarsa, amma Shugaban Jam’iyyar na Jiha, Alhaji Mohammad Gadaka,wanda ya toshe taimakon.  

Waɗannan zarge-zargen ba su da tushe, gaskiya ba ne, kuma ba ni da masaniya irin wannan abu ya faru.  

Za a iya tunawa da cewa, kwanan nan, Shugaban Jam’iyyar na Jiha, Alhaji Muhammadu Gadaka,ya ƙaddamar da wani shiri na bada agajin lafiya ta Gidauniyarsa ta "Madakin Gudi Foundation", wanda ya kai wa fiye da mutum 10,000 masu rauni a wasu kananan hukumomi 17 na jihar.  

Wannan yana nuna cikakkiyar damuwa da Shugaban Jam’iyyar ke da shi game da lafiyar masu rauni a ko’ina cikin jihar,ba tare da la’akari da bambancin jam’iyya ba.

Ina kira ga Mallam Nata’ala ya tuntubi Shugaban Jam’iyyar kai tsaye, ya ji daga gare shi,maimakon yin irin wannan zargin da ba shi da tushe a kan wanda bai ma san ko da yaya wannan ƙirƙirar ƙarya ba.

A madadin ubangidana, Shugaban Jam’iyyar na Jihar Alhaji Muhammadu Gadaka, ina yi wa Mallam Nata’ala fatan samun sauki da lafiya.

Allah Ya Baka Lafiya.